呢期好多 LEGO 創作者都迷上左將葉偉青老師嘅《香港重機》LEGO 化，之前有介紹過嘅銀芽騎士團 Silver Sprout Moc嘅都已經一口氣將五隻重機實現。

LEGO《香港重機》第一彈 by 銀芽騎士團 Silver Sprout Moc

而早前以實物配合 LEGO Minifigure 拍攝相集《LEGO狂想曲》嘅Dick Cheung‎，亦選以相對可愛花悄風製作多款重機作品。

LEGO《香港重機》by Dick Cheung‎

正當大家仲討論緊兩個單位仲有咩新作登場之際，最強《重機》突然橫空登場！由渡海小輪做主體、配上多種陸上公共交通工具，書中最強重機—HKMECHA，就喺Hong師傅嘅簡約創作中實現。

《香港重機》HKMECHA by Hong師傅 aka MOC Lego懷舊機械人&電玩系列 

HKMECHA 呢個 15 機合 1 原畫係冇畫到下半身，Hong師傅 選擇砌 HKMECHA 後第一件事就膽粗粗問葉偉青老師 HKMECHA 下半身其實係咩交通工具。得知電車之後Hong師傅 發現喺葉偉青老師好多作品中都有的士出現，但 HKMECHA 偏偏就冇見到的士喺當中，所以就將紅、綠的變成腳掌，藍的就做成腰檔。雖然最終合體個 12 機促合體，以極少嘅組件去製作 12 架交通工具再加上合體系統，Hong師傅 嘅 HKMECHA可以話係超額完成！

Hong師傅仲有好多作品—可以喺佢作品 Page 度展出，想了解點樣用少量組件可以製作高質素機械人 MOC 作品，咁就記得要 Follow 佢嘅 Page啦！

Hong師傅「MOC Lego懷舊機械人&電玩系列」 Facebook Page傳送門