【絕密流出】開發中《Harry Potter》開放世界 RPG 片段意外流出?Fans 表示期待!

 

今日歐美外媒鋪天蓋地都係談論緊《哈利波特》到底係咪要推出開放世界 RPG 遊戲,根據我了解之後,發現原來尋日喺 Reddit 有人上載左一段影片,聲稱係某開發團隊而家積極搞緊一個大 Project,赫然就係以《哈利波特》為藍本嘅遊戲黎!

條片原本擺左上 Youtube,不過尋晚已經馬上被華納兄弟落 Order 移除;雖然係咁,網路係神通廣大嘅,影片已經一發不可收拾咁流傳左出去了。根據畫面可見,呢隻《哈利波特》RPG 採用第三人身,開放世界觀,可以自創角色,暫時未知對應平台除左 PS4 仲有乜,亦都未知 Harry 主角等人喺遊戲中擔任咩角色。

 

 

至於遊戲開發商係邊個,而家都仲係一個謎團,有人話係開發《Batman Arkham Knight》嘅 Rocksteady Studios,不過我地就認為呢一個講法無太大可能,因為據我地所知 Rocksteady 目前都仲係以超級英雄系列為開發重點;亦有人話係 Warner Bros. 自己做返。

雖然未知嘅野仲有好多,但係見到 Warner Bros. 急急腳要全世界 Delete Post,似乎呢條絕密流出片段可信性極高!我地一向唔鍾意報導 Rumors,因為我地明白跟車太貼易生意外;不過,連 IGN 都有報導呢件事嘅時候,我諗,作為《Harry Potter》Fans,似乎有必要同大家分享呢個消息。

回顧返過去《Harry Potter》嘅家用機遊戲,由 2001 年開始,EA 同 Warner Bros 一直合作推出以原著小說為藍本嘅 RPG,以單機遊戲黎講其實係幾好玩的;如果再次以 Hogwarts 作為背景開始新嘅遊戲故事,呢個遊戲一定會再次成為熱話。

講左咁多,片呢?呢條絕密片段我地喺 Reddit 搵返黎,一齊參詳參詳!

 
 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章