LEGO 海盜主題有一定嘅愛好者、支持者就前排介紹 Bricky_Brick 海盜港嘅時候都講過,呢排 Bricky_Brick仲出多架海軍艦,大家可以去 LEGO Ideas 度 Support 下。不過今日我地唔係講海軍,而係講海盜船,而且係講《Assassin’s Creed 4 Black Flag (刺客教條 4:黑旗)》入面嘅海盜船「Jackdaw (寒鴉號)」。
![](http://www.vjgamer.com.hk/wp-content/uploads/2019/04/30/54078/格式工廠lego-moc-jackdaw-129_26812349634_o-900x599.jpg)
Assassin’s Creed IV Black Flag ”Jackdaw” MOC by hasskabal
話說呢隻寒鴉號嘅製作者 Hasan 喺 2016 年以 Volkswagen Golf MK1 GTI 得到一萬票入選過輪選階段,可惜最後落第而回。作品質素高就不在下話,大大小小嘅主題佢都有製作過。而寒鴉號其實早喺 2014 年已經開始製作,完成都有近 3 年嘅時間,不過最近佢先公開製作書,等《刺客》Fans 可以自己動手製作呢隻寒鴉號。
![](http://www.vjgamer.com.hk/wp-content/uploads/2019/04/30/54078/格式工廠lego-moc-jackdaw-001_27083160866_o-900x599.jpg)
4225件,淨係分件都用左5大個盒
![](http://www.vjgamer.com.hk/wp-content/uploads/2019/04/30/54078/格式工廠lego-moc-jackdaw-005_27116551785_oa-900x599.jpg)
大部份嘅製作流程佢都喺佢嘅 Flickr 公開比大家參詳
![](http://www.vjgamer.com.hk/wp-content/uploads/2019/04/30/54078/格式工廠Assassins-Creed-4-Black-Flag-Jackdaw-Dolphins.jpg-900x273.jpg)
船頭嘅雕像同遊戲中一模一樣
![](http://www.vjgamer.com.hk/wp-content/uploads/2019/04/30/54078/格式工廠bbb-900x475.jpg)
官方冇造過類似嘅船帆,Hasan 就自己畫圖,用布整返同原裝一樣嘅出嚟
![](http://www.vjgamer.com.hk/wp-content/uploads/2019/04/30/54078/格式工廠lego-moc-jackdaw-123_27144910630_o-900x599.jpg)
船上艦砲有成三十幾支,相比遊戲中最強裝備情況都只係相差少少
![](http://www.vjgamer.com.hk/wp-content/uploads/2019/04/30/54078/格式工廠lego-moc-jackdaw-125_26813936343_o-900x599.jpg)
呢個位咪就係踩左機關可以上船桿頂?!
![](http://www.vjgamer.com.hk/wp-content/uploads/2019/04/30/54078/格式工廠lego-moc-jackdaw-109_27420945105_o-900x599.jpg)
船尾Jackdaw (寒鴉號)個名牌同海盜旗都要靠玩家自己印啦
![](http://www.vjgamer.com.hk/wp-content/uploads/2019/04/30/54078/格式工廠lego-moc-jackdaw-145_27421487905_o-900x695.jpg)
製作人 hasskabal 同佢嘅 Jackdaw 寒鴉號,有成大半個人咁高架!
如果想砌呢個 LEGO 版 Jackdaw 寒鴉號嘅朋友可以去 hasskabal 嘅個人網站或者 rebrickable.com 應買製作書同執件自已砌啦!