【遊戲新聞】白金工作室新作《Babylon’s Fall》一直未有消息問題出自 Square Enix?

 

記得舊年 E3 2018 時,有唔少新遊戲都公開左登場 Teaser Trailer,部份仲講到明 2019 年有得玩;不過,眨下眼,E3 2019 都過埋,時間已經到六月。呢批聲稱「2019 年有得玩」,但係到而家一直未聞腳步聲嘅遊戲,例如,有呢一隻《Babylon’s Fall》(詳細失蹤遊戲名單按這裡

 

 

《Babylon’s Fall》由 Square Enix 發行,白金工作室開發,就咁聽班底,好似無懈可擊,加上白金出品一向係信心保證,所以,時至今日,相信唔少網友都同我一樣有個疑問……2019 年都過左半年了,呢隻遊戲,都仲係停留係 E3 2018 公佈嘅概念片段,故事係點,玩法係點,猶如霧裡尋他。其實,隻 Game 係咪會難產?

喺 E3 2019 上面,白金工作室其中一位創始人稻葉敦志先生接受左外媒 Video Games Choice 嘅訪問。稻葉先生被問到「《Babylon’s Fall》其實係咪已經停止開發」嘅時候,佢有以下嘅回應。

 

 

稻葉先生話遊戲依然在開發中,「我地並無放棄到呢個 Project」

至於遲遲都未有消息公佈,到底為何呢?稻葉先生就開始射波,佢表示「呢個問題應該要問返 Square Enix。佢地作為呢個遊戲嘅發行商,野交到去佢手上,幾時去做公佈,幾時決定要發放乜野消息,係佢地嘅責任。我地作為開發部,就一定會克盡己任,努力做好遊戲。」

其實喺 2018 年尾,Square Enix 董事齊藤陽介先生曾經話過,2019 年會就《Babylon’s Fall》有進一步公佈。距離東京遊戲展 TGS 2019 仲有三個月左右時間,到底有幾多遊戲會喺活動裡面帶驚喜比玩家?我地一齊悉目而待。

 

 

延伸閱讀:

【E3 2018】SE x 白金工作室再推巨作《BABYLON’S FALL》神罰降臨
【遊戲新聞】E3 2019 不見蹤影!那些玩家想知道更多的遊戲一覽

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章