【動漫新聞】《刀劍神域》最新一季《SAO Alicization War of Underworld》首個 PV 解禁公開

 

有追開《刀劍神域(SAO)》動畫嘅朋友,唔知剛剛完結嘅第三季《Alicization》有無睇到大家咬牙切齒或者眼濕濕?無論大家有咩感想,假如大家無睇過原著小說嘅話,相信都會一致認同:今季最後一集完結得非常吊癮!

眨下眼《SAO》系列面世已經於今年迎來 10 週年,而喺今日於 AbemaTV 上面舉行嘅《SAO 10周年記念特番》裡面,就終於公開左下一季動畫嘅 PV 同埋宣傳圖。

 

 

黎緊最新一季裡面,桐人陷入廢人狀態,而愛麗絲就肩負起照顧桐人嘅責任;雖然擊敗左 Adminstator,不過故事裡面,仲係有大量謎題未解開。

 

 

《SAO Alicization War of Underworld》將會於 2019 年 10 月份開始播放,以下為官方最新宣傳川:

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章