由 Level 5 工作室開發、吉卜力工作室製作動畫、以及久石讓擔任音樂創作嘅名作 RPG《二之國 白色聖灰的女王（二ノ国 白き聖灰の女王）》，即將於 2019 年 9 月 20 日推出高清版本《二之國 白色聖灰的女王 Remastered》，對應平台為 Switch、PS4 以及 PC（Steam）。

《白灰女王》首次推出為 2011 年，當時係一款 PS3 獨佔遊戲，亦由 Bandai Namco 在海外發行英文版本。遊戲當年推出時好評不斷，如果未玩過嘅朋友，千祈唔好錯過今次嘅高清版本，遊戲故事精彩之餘，吉卜力嘅動畫以及久石讓嘅配樂，絕對令遊戲值回票價。

遊戲目前已經於各平台上架，預購進行中，而因為配合日本方面《二之國》動畫大電影即將上映，即日起到 9 月 30 日，購買遊戲仲會有 10％ 折扣優惠。

以下為新版遊戲宣傳片段：