Altus 正式宣佈大熱作品《Persona 5》嘅首隻 ARPG 作品《P5S（Persona 5 Scramble The Phantom Striker）》將定於 2020 年 2 月 20 日上架，對應平台為 PS4 以及 Switch，為該系列首隻登錄於 Switch 平台上面嘅作品。
《P5S》為 Altus與光榮 ω-Force合作嘅首隻作品，所以同正傳遊戲裡面嘅回合制式玩法略有不同，較為傾向「無雙演義」嘅戰鬥系統，唔知 Fans 又會唔會受落？
編按：當然，作為 Altus 嘅支持者，我想弱弱一問，說好的《真女神傳生》點解仲未有影……。
除左戰鬥模式改變之外，《P5S》亦會有新篇章故事，新登場嘅呢個神秘女角色唔知道會擔當乜野戲份呢？
順帶一提講多次，下星期 10 月 31 日就係《P5R》推出嘅日子，日版 PS Store 預購開放中，繁體中文版發售日目前就未有確切日子，有資料會再同大家報導。至於變成動作風嘅《P5S》唔知你地又會唔會有興趣玩呢？
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。