由 BANDAI NAMCO Entertainment 同 KOEI TECMO Games 合作嘅《One Piece 海賊無雙 4》（ワンピース海賊無双 4）下年年頭就有得玩啦，除咗有路飛四檔，「萬國篇」、「和之國篇」、「蛋糕島篇」登場嘅新角都有得用。然後當大家都以為淨係得新篇玩時，最新宣全片竟然係宣佈有「阿拉巴斯坦篇」！

《One Piece 海賊無雙 4》最新宣傳片收錄索隆、路飛等登場各色戰鬥片段，仲見到熟悉嘅沙佬、Mr. 2等角色，而片段尾部仲見到薇薇公主以及著名嘅告別畫面。預告今作將會有「阿拉巴斯坦篇」登場，唔知有無得用 4檔路飛輾過沙佬呢？

《One Piece 海賊無雙 4》預定於 2020 年 3 月 26 日上市，對應平台為 PS4 / Xbox One / Nintendo Switch / PC。繁體中文版與日文版同步推出。