真人化嘅作品真係拍開有條路，特別係冒起得超級快嘅 Netflix 近年絕對係將動漫作品真人化嘅先鋒之一！除左大熱放送中嘅《Witcher》，剛剛官方又宣佈左，《ONE PIECE》嘅真人化劇集亦將會於 Netflix 平台播放。
雖然選角仲未公佈，不過官方就預告首季劇集會有十集，而原作者尾田榮一郎亦表示，其實 2017 年時已逐步有風聲會將作品改篇成真人版作品，黎到 2020 年終於可以逐步向 Fans 分享資訊，相信各位 Fans 都會好期待咁話！
《One Piece》由 1997 年時開始在《週刊少年 Jump》上面連載，亦有不少衍生電影、動畫以及遊戲，可以話係跨越世代嘅最當紅作品之一。到底真人版劇集首季頭十集內容會去到故事嘅邊一部份，又到底會起用乜野演員去演出呢套咁經典嘅大熱作品呢？有新消息會再同大家報導！
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。