【遊戲新聞】下星期開始事前下載《集合!動物之森》3 月 20 日正式上架

 

於 E3 2019 發表嘅 Switch 遊戲《集合!動物之森(あつまれ どうぶつの森)》即將於 2020 年 3 月 20 日上架,遊戲同時有實體版以及數位版本,定價為 5,980円(未連税)。今日官方就公佈,購買數位版嘅朋友,2020 年 2 月 8 日 0:00 開始可以預先下載遊戲。

 

 

作為模擬生活以及「漫活(Slow Life)」類型嘅遊戲,《動物之森》系列一直擁有極高人氣,而今集將以無人島作為舞台,玩家除左要住喺帳篷入面之外,仲有進行各種生活上面嘅 DIY。玩法雖然簡單,不過亦非常考驗玩家嘅耐性。

今集遊戲有非常豐富嘅季節及天氣變化元素,氣候嘅唔同,都會令到無人島上面出現各種變化。同時,玩家亦可以同朋友進行合力(Local Play),一齊於島上收集材料製作設施或傢俱等等。

 

 

2 月 8 日同時開始事前預購《集合!動物之森》版本 Switch 套裝,定價為 35,960円(未連稅),有興趣嘅玩家可以先行去任天堂網站望下!

 

 

而家要買 Switch Game 實體版嘅朋友,記得用自己方式去買 Game,唔好買錯藍店呀!

以下為遊戲官方電視廣告:

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章