【遊戲介紹】輕鬆治癒系解謎遊戲《The Gardens Between》控制時間流動的精緻小品

 

澳洲獨立遊戲工作室 The Voxel Agents 擅於製作小品遊戲,《The Gardens Between》為佢地於 2018 年推出嘅解謎遊戲,在 Steam 平台上上架之後獲得一致好評,及後擴展至其他平台,包括 PS4、Xbox One|Series X|S、Nintendo Switch 以及手機 iOS 和 Android。《The Gardens Between》同時對應 Xbox Game Pass。

《The Gardens Between》故事大綱好簡單,講述阿麗娜和弗萊德特呢對童年玩伴,意外落入一個夢幻花園,而花園裡面散落住佢地唔少童年時擁有過嘅回憶同物品。故事散發著淡淡哀愁,同時令玩家反思自己人生當中嘅各種取捨。

 

 

遊戲玩法好簡單,玩家需要於每個關卡當中,思考時間流動「往前」「倒後」會造成乜野結果,從而順利將「光芒」帶到每個小島關卡的頂端。

角色擁有固定步速,而關卡路上的障礙物會影響角色嘅前進路線;而玩家操控嘅並唔係「角色」本身,而係「時間」:左菇推向左就係將時間倒退,向右推就係要時間往前,配合關卡獨特嘅螺旋型設計、以及固定視點,玩家好快就會察覺到每關嘅通關竅門。

 

 

《The Gardens Between》約莫三至五小時就可以爆機,難度不算高,不過推出一段時間之後,還是累積了很多正面的評價。遊戲現在同時對應 Xbox Game Pass,如果大家打其他遊戲打到悶悶地,或者等緊朋友聯機玩其他作品,不妨善用 Xbox Series X 嘅 Quick Resume 功能,將呢隻小品作為過場用的輕鬆遊戲吧。

遊戲同時對應 PS4、Xbox One|Series X|S、Nintendo Switch 以及手機 iOS 和 Android,已經上架。

 

 

神婆

神婆 正職為塔羅占卜師,唔神秘,無形象,為咗兩隻貓嘅生活努力奮鬥。日系遊戲及 RPG 專攻,重度聲優控。

追蹤

Facebook 更多文章