Square Enix 正式宣佈《聖劍傳說瑪那傳奇（Legend Of Mana）》於 2021 年 6 月 24 日推出高清重製版本，對應平台為 PS4｜Nintendo Switch｜PC。

《聖劍傳說瑪那傳奇》為《聖劍》系列第四隻作品，於 1999 年初次推出於 PlayStation 平台。聖劍傳說瑪那傳奇》嘅獨特之處在於，角色嘅能力提昇取決於武器嘅質素，同時，唔同武器會有各自嘅必殺技；而攻擊模式有別於傳統 RPG 嘅玩法，玩家輸入唔同嘅戰鬥指令，都會令角色出現相應嘅攻擊動作。

魔法亦係遊戲一大重點，遊戲裡面，唔同精靈有住唔同屬性，亦有「屬性相剋」嘅設定，玩家更可以帶同 NPC 上場一齊戰鬥。

舊版《聖劍傳說瑪那傳奇》有 2P 設定，2P 玩家可以操作角色寵物進行戰鬥，暫時未知高清版會否還原呢個機能（《聖劍傳說 3》重製版放棄了 2P 共同遊玩的功能）。

《聖劍傳說瑪那傳奇》當年於系統玩法上面獲得好評，不過亦有玩家表示遊戲充斥過量繁鎖嘅支線，不過遊戲依然為 90 年代 RPG 遊戲嘅經典之一。

遊戲會於 2021 年 6 月 24 日推出高清重製版本，對應平台為 PS4｜Nintendo Switch｜PC，繁體中文版同步發售。