【遊戲新聞】辻本良三親口確定《Monster Hunter Rise》將會於 2022 年登錄 PC

 

即將於 2021 年 3 月 26 日推出嘅《Monster Hunter Rise》,相信係唔少新舊獵人黎緊嘅必玩之作,遊戲早前亦推出試玩版,有興趣嘅玩家可以去 e-Shop 下載。

根據試玩版,相信今次嘅《Monster Hunter Rise》於畫面以及系統上面揉合左《Monster Hunter XX》以及《Monster Hunter World》,亦在此之上加入左各樣嘅新玩法;雖然砌裝等等細節資訊有待正式版推出之後先知詳細,不過遊戲已經成功獲得唔少玩家關注。

 

 

一直都以為《Monster Hunter Rise》為 Nintendo Switch 平台限定嘅遊戲,但係「三太子」兼《MH》製作人辻本良三早前接受外媒 訪問時,就坦承《Monster Hunter Rise》已經決定將會登錄 PC 平台,工作室將會以「2022 年初推出」作為目標,希望可以為 PC 版玩家提供畫質與 Frame Rate 更為提昇嘅《Monster Hunter Rise》。

《Monster Hunter》為日本電玩界歷史悠久嘅遊戲系列,以手提機作為平台、與同伴連線、各種特性嘅魔物敵人等等要素,都令到《MH》成為唔少玩家沉迷而愛戴嘅長青系列。於 2018 年時,被形容為「入門版《MH》」嘅《Monster Hunter World》於全球各主機平台上面推出,更加令到《MH》吸納大量新玩家,亦令到系列成功於西方國家爆紅,更令遊戲成為歷來最暢銷遊戲之一。

 

 

《Monster Hunter Rise》選擇回歸手提機 Switch,除左因為 Switch「有得手提、有得連大螢幕」嘅機能之外,亦都因為 Switch 係目前普及性極高嘅遊戲主機。辻本良三表示,對即將推出嘅《Monster Hunter Rise》充滿信心,亦都希望能藉遊戲再次吸納更多系列嘅新 Fans。

《Monster Hunter Rise》將於 2021 年 3 月 26 日登錄 Switch,預計 2022 年初會於 PC 平台上面推出。

 

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch。

追蹤

Facebook 更多文章