【玩具週邊】《天竺鼠車車》官方週邊正式推出|四月各樣實用配件 PUI PUI 上架

 

人氣網路動畫《天竺鼠車車》推出後大受歡迎,官方亦都乘勢出擊,將於 4 月 28 日推出一連串週邊,包括口罩膠套、外用布口罩、天竺鼠造型布繫袋、鎖匙扣、環保袋以及 Tote Bag 等等多款實用又美觀嘅產品,即日起於 Bandai Namco Art 旗下 A-on STORE 網店開始接受預購。

 

 

《天竺鼠車車 》由日本見里朝希導演領班製作,為一套實物定格動畫,於 2021 年 1 月 5 日首播;動畫裡面嘅車車叫聲,亦係由真天竺鼠發出嘅「PUI PUI」聲錄製而成。動畫雖然係兒童向,但係於網路首播之後亦大量吸納成年觀眾 Fans!唔知各位讀者又會唔會有恥力愛心買返個 Pui Pui 手挽袋黎用呢?

A-On Store 預購傳送門

 

 

麻生龍

中二病廢中,打機會自己講野自己笑,鍾意睇機械人動畫,貓世一。

追蹤

更多文章