已經無野阻止到微軟嘅收購風潮！除左遊戲工作室之外，微軟一直有意收購社交平台，根據彭博社報導，大型社交通訊媒體 Discord 有意擴展業務，因此正與業界唔同商家洽談收購企劃，而其中一名有意的買家正係微軟，雙方洽談的收購價錢將超過一百億美元。

不過，目前微軟對於 Discord 並非志在必得，因為 Discord 對於是否要出售業務一事依然有所猶豫，亦有消息指出 Discord 同時有考慮將公司上市。面對各界媒體查詢，目前微軟及 Discord 雙方都未有公開作出回應。

相信玩家對於 Discord 一定唔會感到陌生，Discord 於 2015 年正式投入服務，係一個利用網路嘅免費即時通話軟體，同時係一個數位發行平台。主要使用群眾為遊戲用家，以及商學用途人士，對應 PC 平台（Microsoft Windows、 macOS、Linux）及手機平台（iOS、Android），同時提供網頁版本。Discord 活躍用戶超過一億位。

微軟早前嘗試收購 TikTok 不果，亦一度有意收購另一社交平台 Pinterest，假如是次收購 Discord 成功，對於雙方擴展業務絕對有一定的商業成效。有新消息會再與大家報導。