505 Games 所屬母公司 Digital Bros. 於 2021 年 5 月 28 日發出最新業績報告，裡面提及《Bloodstained: Ritual of the Night》續集正在開發中嘅消意；而發行商 505 Games  日前已承認續作已在準備當中，只係目前發售日以及對應平台等等資訊仲未有定案。

《Bloodstained: Ritual of the Night（血咒之城：暗夜儀式）》於 2019 年 6 月 18 日首次發行，為一隻類惡魔城橫向高難度動作遊戲。遊戲一開始係由前《惡魔城》系列製作人五十嵐孝司發起嘅 Kickstarter 眾籌項目，亦被玩家一致認為係《惡魔城》系列嘅精神續作，現時估計已賣出超過一百萬隻，於難度及劇本上面都獲得玩家正面評價。

《Bloodstained: Ritual of the Night》登錄平台為 Xbox One｜Series X｜S、PS4｜5、Switch、PC Steam 以及手機平台；根據上集嘅推出狀況，相信續作都有極大可能至少登錄於所有主機平台。不過遊戲目前仲係初步開發階段，所以未有圖片以及影片釋出，有最新消息會再為大家報導。