根據外媒彭博報導，《Horizon Forbidden West》將會延期到 2022 年第一季上架。

《Horizon Forbidden West》原定於 2021 年年尾推出，對應平台為 PS4 及 PS5，為 2017 年推出遊戲《Horizon Zero Dawn》的續集。早前外媒 GamesBeat 記者 Jeff Grubb 率先透露自己從「相關人士」口中獲知遊戲延期消息，而呢個消息亦由彭博加以核實，相信會於九月份由 PlayStation 於「PlayStation Direct」當中作出正式公佈。

《Horizon Forbidden West》為玩家最期待嘅續集作品之一，為一隻動作角色扮演遊戲，採用第三身視點，開放世界設定。今集延續上集故事劇情，發生喺上集故事後嘅六個月，主角亞蘿伊前往西方調查肆虐神祕枯萎病，同時展開新冒險。

喺實機遊玩影片中，亞蘿伊派咗好朋友艾倫德去到舊金山遺跡到尋找一件遺物。過程中失手被學識覆蓋機器指令嘅提那科部族叛軍所擒，於是亞蘿伊隻身殺入敵陣勇救朋友順便展示新動作。有最新消息會再為大家報導。