南韓遊戲工作室 Project Cloud Games 公佈旗下遊戲《Project Relic》嘅全新影片，並預告遊戲將於 2023 年上市，對應平台包括家用機及 PC，詳細資料會於日後繼續公佈。

根據工作室公開嘅介紹，《Project Relic》為一隻可至少二人聯機嘅高難度動作遊戲，不過是次公開嘅影片展示為單人遊玩模式。雖然工作室並無明言遊戲為「類魂系」，不過遊戲戰鬥畫面呈現的質感、風格以及難度，相信多多少少有受到《Dark Souls》系列嘅啟發，不過《Project Relic》係一隻色彩更為鮮明、動作更為快捷、而且加入更多炫麗特效嘅動作遊戲。

由於距離遊戲推出仲有好長時間，目前遊戲釋出嘅資訊唔多，不過作為一間獨立工作室，《Project Relic》幾乎呈現出 3A 大作嘅水準，相信係玩家日後可以多加留意嘅作品之一。有新消息會再為大家報導。