【遊戲新聞】Netflix 有意將大熱劇集《魷魚遊戲》改篇成遊戲作品

 

Netflix 亞洲部副總裁 Minyoung Kim 早前接受外媒 The Hollywood Reporter 訪問,被問到韓劇《魷魚遊戲》熱播兼大受歡迎時,金氏表示,假如劇集受歡迎熱潮可以維持落去,公司會考慮將劇集改篇成電子遊戲作品。

 

 

《魷魚遊戲》於 2021 年 9 月 17 日全球上線,為 Netflix 最高收視劇集之一,亦因此成為 Netflix 最受歡迎的非英語原創劇集。金氏話公司會密切留意觀眾對於旗下作品嘅喜愛程度,從而去進行下一輪嘅市場推廣。目前 Netflix 已認真考慮《魷魚遊戲》是否要推出第二季,與此同時,有鑑於 Netflix 總公司於 2021 年初時公開表明有意涉足電子遊戲市場,所以《魷魚遊戲》將會係佢地考慮遊戲化嘅作品之一。

 

 

不過,Netflix 進軍遊戲市場,目前都係集中以手機平台為主,例如早前就公佈於波蘭先行推出《Stranger Things》劇集衍生嘅手機遊戲。Netflix 預告公司相關嘅手機遊戲最快會於 2022 年陸續面世,到底成品如何,《魷魚遊戲》又是否會如《Stranger Things》一樣推出手機遊戲,就有待 Netflix 進一步嘅消息公佈。

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章