單睇呢隻 game 嘅畫風你地一定會話我搞錯，點睇都唔似恐怖 game，呢隻由 tinyBuild 開發嘅獨立恐怖遊戲 故仔講玩家附近黎咗個新鄰居，呢個鄰居好古怪，屋企有個地下室被重重封鎖，玩家要潛入呢個神秘鄰居屋企，解開呢個地下室之謎 !而呢位神秘鄰居當然會對玩家格殺勿論，而呢隻 game 嘅賣點就係個 AI (神秘鄰居)會跟據玩家行為變化而進行相對應付。
例如習慣係窗爬入，神秘鄰居就會係窗口 set 捕獸夾，習慣係大門潛入，神秘鄰居就會 set cctv，被發現但成功逃脫，神秘鄰居會行捷徑捉你。由於 AI 會依玩家行為而變化同學習，你愈玩個 AI 會愈聰明，玩家要花更多心思先可以打爆機 !
睇埋 gameplay 就知幾恐怖 !
《Hello Neighbor》預計2017 年 9 月正式推出，推出平台未定，有興趣嘅朋友記住留意 !
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。