之前電影 << Pixels >>就講述外星人利用 8 bit 遊戲侵略地球，而片中有不少經典遊戲出現係大銀幕。
如果可以好似片中咁打機你話幾好呢? 外國網友忽發奇想，利用航拍等工具打造「真 . 太空侵略者」!
呢位叫 Yariv Geller 嘅網友同佢嘅團隊利用車椅，3D printing等技術自製「太空侵略者」嘅炮台，加埋路軌就可以左右快速移動，而航拍加上 LED 燈砌成嘅「太空侵略者」圖案成為外星人，玩家只要坐上炮台，就可以向天上嘅「航拍外星人」發射 laser ，而每隻「航拍外星人」都有 light sensors ，如果被擊中會有相對顯示被消㓕，非常過癮好玩 !
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。