《動物朋友（けものフレンズ）》去年動畫開播嘅時候，喺宅宅界掀起一陣熱潮，我身邊仲有朋友話不如組團去擬人動物園「JAPARI PARK」探險咁話……唔駛擔心，呢位朋友病重都唔係第一日嘅事！比較值得同大家分享嘅係：《動物朋友》黎緊會出手機遊戲啊！

遊戲目前仲未釋出遊玩影片，而家事前登錄開放中！預計 2018 年春天上架，iOS 及 Android平台同時有得玩；至於玩法……官方話係「喺 JAPARI PARK 嘅探險 RPG」，唔知到底係育成 Play 定係馴服 Play 呢？

【事前登錄傳送門】