Pokemon 株式會社正式公佈《Pokémon LEGENDS Arceus》（原名：Pokémon LEGENDS アルセウス；台譯：寶可夢傳說 阿爾宙斯）嘅發售日，遊戲定於 2022 年 1 月 28 日推出，為一隻 Nintendo Switch 獨佔作品；同時公開遊戲實體版本包裝設計，並表示 2021 年 8 月下旬會開始接受遊戲預購。

《寶可夢傳說 阿爾宙斯》於寵物小精靈 25 周年發佈會「Pokémon Presents 2021.02.26」上面初次公佈，是次遊戲繼續由 「寵物小精靈遊戲擔當」嘅 Game Freak 工作室開發，以神奧地區作為故事舞台。神奧地區為 2006 年 NDS 作品《寶可夢 鑽石・珍珠 》時使用過嘅場景，不過今次遊戲裡面所呈現的，則會是過去的神奧地區。

故事中，由於世界處於未開發嘅階段，所以小精靈們都生活喺大自然裡面，為左生存而衍生出唔同嘅生態系統。玩家嘅目標係要喺呢個地方，完成第一本精靈圖鑑。

玩家可以從「木木梟」、「火球鼠」與「水水獺」當中挑選一隻作為遊戲初始小精靈；呢三隻小精靈聽講係由某位博士於其他地區進行研究時遇到的。玩家於遊戲中會不斷探索、收集小精靈、進行戰鬥，並從而了解更多有關傳說中小精靈「阿爾宙斯」嘅線索。

《寶可夢傳說 阿爾宙斯》定於 2022 年 1 月 28 日推出。