相信買咗呢隻Game既機友大家既最終目標就一定係寶石泳衣令到班囡囡個個都賓至如歸啦！

咁已確定寶石泳衣既解禁方式就係達成最少9次既S級評價。即係話呢篇攻略主要就係教大家點樣可以得到S / S+評價！

要得到S / S+評價首要條件就係島主要有錢，至於點搵錢大家可以睇返我地既賺錢攻略。- 傳送門

好啦，當你成為咗有錢佬之後，就可以正式攻略。第一步就係對應下面個表，記得你想攻略既囡囡超喜歡啲乜，每日日頭時間都要去店度睇下有無需要既物品買，到咗夜晚既時候就送比囡囡(記得去埋島主店)，不停Loop，呢個係第一步。

咁第二步就係做任務啦，人物專屬任務一定要做，只要一直Keep住滿足度滿，應該可以係第13日前做晒人物專屬既7個任務。係呢度有個建議比大家，當玩到第13日都未出現第7個任，返酒店前就要放棄任務，咁樣就會有比較高機率係第14日朝早出最後一個任，當人物7個專屬任都搞掂既時候就會出現提示叫你要保持滿足度最滿到假期完，咁呢個時候大家要識do唔好做啲無謂野啦……S+已經等緊你！

另外玩遊戲方面，最好就係排球，攀岩呢2樣，效率高。排球方面可以參考下我地另一篇排球心得，至於攀岩亦都有個小技巧，方法就係指令出黎果下Pause….，利用邪道大法我試過最快42秒爬完！

最後送上當你得到S+評價時候囡囡感謝片！