相信唔少人玩跳方塊既時候都遇到難題，就係又要跟節奏又要跟顏色仲要分小跳同大跳，咁都未夠，仲要有條友係隔離同你鬥快，真係人都癲！

咁話說呢個小遊戲係有個祕訣既，只要你唔要求高分。

方法就係無視所有顏色，同埋當有3格既時候唔理三七四十六，淨係撳2下長按 (即係大跳)，咁成個遊戲就會變成只有小跳同大跳，成件事會變得易玩好多，代價就只係無咗顏色加成分嗟！

以上圖為例，即係咁撳：三角(長按) > 三角(長按) > 三角(長按) > 三角(長按) > 三角(長按) > 三角(長按) > 三角(長按)

當熟咗點玩就可以跟返顏色，咁就會變成咁： 三角(長按) > 三角(長按) > 正方(長按) > 圓圈(長按) > 正方(長按) > 三角(長按) > 正方(長按)

想再詳細了解既，可以睇埋條片