好多電影同遊戲都用喪屍做題材，如果有一日，你居住嘅地方發生 outbreak，周街都係喪屍，你會點做？
唔駛怕，介紹番比你，日本最新研製喪屍藥丸，由著名科研公司 Umbrella Corporation 開發，包你保命保身保家庭。

講到呢度，你都知唔妥玩嘢呢，查實呢樽係為咗紀念經典恐怖動作遊戲《 Biohazard》發行20週年，CAPCOM 將推出以 Umbrella Corporation 所推出嘅藥劑造形設計嘅汽水糖 (アンブレラ社製錠剤風ラムネ)，將會係全日本 CAPCOM 直營嘅 33 家 game shop、景品限定發行，參考售價每罐￥800。