今年DQ真係幾多動作，除咗黎緊勁期待既勇者無雙2之外，DQ又有2隻舊Game係手機上面重生，講緊既就係SQUARE ENIX 既《勇者鬥惡龍》同《勇者鬥惡龍 8》。Android中文版已經係 Google Play上架，至於iOS就未有住，要等多陣先有啦。
今次推出既兩款作品都係要付費下載既，購買下載後，就唔再需便再支付任何費用。而手機移植版既遊戲操作經過調整，遊戲畫面由以往既4:3變為縱向，虛擬按鍵既位置也都可以係單手同雙手之間切換。
《勇者鬥惡龍》遊戲介紹
遊戲情節講述非常簡單傳統既「救公主與屠龍」，龍王既靈魂因為學習咒文而墮落，之後打破咗阿雷夫加德王國既和平，龍王奪走了光之石，令世界陷入了無止境既黑暗之中。呢個時候玩家將化身為傳說中勇者「洛特」既後人，係阿雷夫加德王國大地上展開一段經典既冒險之旅，消滅敵人，解開重重謎題，前往龍王所在地救出公主並奪回光之珠！
《勇者鬥惡龍VIII》遊戲介紹
DQ系列中首次出現純3D場景表現，同時為角色同場景使用了卡通渲染紋理。遊戲保留了系列大部分角色扮演遊戲元素，例如回合制戰鬥同經驗等級系統。故事講述沉默既勇者同佢既夥伴，魯莽但是為人仗義既山賊 「楊加斯」、出自名門且蘊藏著魔法潛力既好勝美女 「潔西卡」、身為聖殿騎士卻遊手好閒既 「庫庫魯」踏上冒險旅程。
此外，2006年由雜誌《Fami通》舉行的一項調查中，遊戲繼《Final Fantasy X》、《Final Fantasy VII》和《勇者鬥惡龍III》，排在了史上最佳電子遊戲的第四位。在2010年，IGN將遊戲列為了「百佳PlayStation 2遊戲」的第39名。
《勇者鬥惡龍》下載連結 ($23.00)
//play.google.com/store/apps/details?id=com.square_enix.android_googleplay.dq1_gp
《勇者鬥惡龍VIII》下載連結 ($158.00)
//play.google.com/store/apps/details?id=com.square_enix.android_googleplay.dq8
VJGamer總編，細細個已經蒲機舖，機齡甚深，熱愛電玩文化。