超爽Parkour Game《Mirror’s Edge Catalyst》Beta試玩評測

《Mirror’s Edge Catalyst》其實係2008年推出既《Mirror’s Edge》Reboot 黎,由EA DICE開發,EA發行,將會有 Xbox One/PS 4/PC 版本,預計於2016年6月7日發售。早2日就試完個 Close Beta啦,整體感覺黎講2個字講晒:爽!

 

《Mirror’s Edge》系列簡單講就係刺客信條 Parkour 特化版既動作遊戲,全個遊戲使用第一身視點黎玩 Parkour,所有動作都係要自己控制既,同刺客唔同既地方係,佢專注於點樣控制角色保持住速度黎跑。例如場景上面有一啲比較高既位就咁跳係上唔到去既,需要好似電影咁先係牆上面打側跑再跳就可以去到啦!仲有高速落地既時候係需要撳受身動作先可以保持到速度既,再加上遊戲顯示有60FPS(雖然玩既時候有少少窒機),玩起上黎真係好流暢好爽(因為我試果陣係用Xbox One,唔知其他機係咪都有60FPS)!

經常要跳九條街咁遠,好爽!

螢幕截圖 2016-04-27 11.04.57

跑牆再跳先上到

螢幕截圖 2016-04-27 11.05.16

 

要捉住條水管”Fing”過去

螢幕截圖 2016-04-27 11.06.09

 

今次既《Mirror’s Edge Catalyst》版圖採用咗 Open World 模式,可以跑既地方以Beta黎講算係好大,有隱藏要素例如收集收藏品,不過暫時全部場景都係天台或者建設中既室內,有少少悶,另外地圖外既背景場景都比較少,敵人同NPC都無乜,感覺有啲冷清。而且任務唔係限時之內送野去另一個地方就係跑黎跑去,玩耐少少就有啲單調。

 

主要玩法之一:做速遞

螢幕截圖 2016-04-27 11.17.57

螢幕截圖 2016-04-27 11.18.17

 

外面既場景比較冷清

螢幕截圖 2016-04-27 11.14.27

 

同刺客一樣,大家可以自由選擇玩主線定副線任務,而且就算去同一個地方都有幾種路線選擇,自由度頗大。而成隻Game既核心 Parkour,就做得非常好啦,除咗上面有提到既跑牆之外,爬牆、滑鏟、壁上奔、捉住水管用離心力轉彎等等動作都係非常之咁流暢,而當你撳實RT制疾走既時候,只要無失速就會持續增加Focus Shield Bar,儲滿咗周圍就會朦晒,Keep住呢個速度撳攻擊既話一般雜魚都係一擊必殺既。此外,隨住角色升級就可以學得更多動作,例如翻滾受身咁樣就係啦。另外新鮮既地方就係佢既戰鬥方式,配合方向制再用重攻擊係可以將敵人朝住你撳既方向擊飛,當面對住多個敵人既時候就可以利用呢招同時令2名敵人失衡,而且仲可以配合埋跑牆再飛踢攻擊,戰鬥系統都叫做OJ,不過都係敵人種類太少有啲Dry。

 

螢幕截圖 2016-04-27 11.10.05

螢幕截圖 2016-04-27 11.11.05

螢幕截圖 2016-04-27 11.11.12

螢幕截圖 2016-04-27 11.11.36

 

最後就係多人連線要素,基本上係 Beta係見唔到既,係除咗有個好似 Batman: Arkham Knight 入面果個賽車鬥快 Ranking咁既模式。整體黎講今次 Beta係戰鬥系統同主菜 Parkour都完全度好高,係仲有少部份野要執執,希望成品推出既時候可以豐富埋啲 Mission 咁啦,但係如果佢 Support埋 VR 成件事就唔同晒啦……

玩家 LudioNL做出既最快成績

森麻

VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章