第一身潛行殺敵遊戲《Dishonored 2》終於公布上市日期啦，發行商 Bethesda Softworks 宣布遊戲預定 11 月 11 日係全球發售，遊戲將會有 PC、Xbox One同埋PS4 版本。
《Dishonored 2》係一款強調潛行既第一身動作遊戲，今集將會採用雙主角系統，次玩家可以選擇扮演超能力刺客 Corvo Attano 或者 Emily Kaldwin，而兩位主角都有各自獨特既能力、武器同埋工具，可以係殺人方面運用閣下既創意蹂躪敵人。係之前釋出既宣傳片入面就見到 Emily 諗住玩潛入，但係就比機械守衛發現既情節，令外官方亦都透露今集直頭可以唔殺任何人都可以完成遊戲 (大佬都唔洗打？愛與和平穿透人心？)。
另外官方會係 6 月 12 日下午 7 時所舉辦既 Bethesda E3 展前發表會中揭露遊戲具體玩法，到時亦都會有同步直播，有興趣既朋友記得睇啦！
VJGamer總編，細細個已經蒲機舖，機齡甚深，熱愛電玩文化。