任天堂透露，今年美國舉行既 E3，佢地將會一改慣例唔會舉辦大型展前發表會，亦都唔會好似之前咁會用「Nintendo Direct」係 E3 展期間展示比玩家睇任天堂最新既軟硬體陣容。但係就會係太平洋時間 6月14日上午9點會有一個叫做「Treehouse Live」既直播，內容將會係關於《薩爾達傳說 Wii U 最新作品》，會分別係 Twitch、YouTube同埋官方直播網頁進行直播，據透露除咗會有全球首次既遊戲進行影片展示之外，仲會有製作團隊既訪問。

另外係 E3 會場入面都會繼續有老任既攤位既，係 2016 年 6 月 14 日至 16 日美國 E3 展場入面，老任堂攤位會以《薩爾達傳說》做主題黎佈置攤位，而且會係 E3 展場內有多台機會展示《薩爾達傳說》既新遊戲。呢點亦都同之前老任講既 Match，今年 E3入面老任攤位除咗《薩爾達傳說 Wii U 最新作》就乜春都無啦，公布咗既新主機 NX阿，NX版既《薩爾達傳說》阿，都係唔會有既，只係話會係今年會再有發表，繼我話都徙氣啦，根本 WiiU就係薩爾達傳說+孖寶兄弟專用機(咁都仲有隻 Splatoon既)，出乜鬼新機丫，學下乜力做軟件開發商，又話隻專搞手提機咪算囉……。

Wii U / NX《薩爾達傳說》最新作預定2017 年上市。