月尾4人連機必買作品我相信好多人都會有《Dragon Quest Heroes 2 勇者無雙2》呢隻 Game，除咗有之前介紹過既超勁聲優陣容之外，可以4人連機亦都係一大賣點 (都唔明第一代點解無連機)，而今次呢條18分鐘影片就係講解遊戲入面設施同埋初期可以轉職既示範，影片所見除咗起手角色「戰士」之外，仲會有「武鬥家」、「魔法師」、「僧侶」同埋「盜賊」可以轉換，唔洗好似上集咁要換人先可以換職業，呢點真係方便好多！

遊戲就會係 5月27日推出，但係就仲未有中文版既消息，根據上次既經驗，都係會等日文版正式發售先會講中文既時出既，等有消息我地會再為大家報導！至於隻 Game就會有 PS3 / PS4 / PSvita 3個版本，相信好多人都諗緊買 PS4定 PSV好，除咗畫質之外，流暢度同買上網連機呢啲都係考慮既範圍，咁今次官方就出咗3部機既遊戲實機片段比大家 J 既，仲未諗定既不妨睇咗片先決定啦！(有過 Gundam Breaker 3 經驗……我就買PS4版啦)

PS4

PS3

PSVita

其他相關文章：

《Dragon Quest Heroes 2 勇者無雙2》新片發佈！支援4人連線