係琴日《Overwatch》就正式上市啦，咁 Blizzard 為咗慶祝就整咗幾隻大型角色模型展出，見到既有「雷震子」、「閃光」同埋「阿源」3個角色既，將會陸續係法國、美國同泡菜國展出，唔知會唔會好似之前 LOL 咁引到阿婆拜呢！
另外 Blizzard 執行長 Mike Morhaime 就話：「我地非常歡迎全球電腦以及家用機玩家投身《Overwatch》既世界。我地努力咁希望做造出一隻大家都可以輕易上手既團隊射擊遊戲，既有團隊合作遊戲方式、亦都有緊張刺激歡樂繽紛既對戰型式，此外更加有各個具特色英雄，絕對會令大家樂在其中。Blizzard 對呢隻遊戲感到非常自豪。無論係射擊遊戲老手定新手，《Overwatch》必定會愛不釋手！」。
另外官方公開既相關數據，係遊戲係公測時全球突破 970 萬人，創下 Blizzard 史上最高公測紀錄，全球玩家打咗 3 千 7 百零萬場激戰，一定勁過張家輝，超過 49 億分鐘團隊合作遊玩時間。遊戲設有 PC、PS4、Xbox One 版本。
其他相關文章：
LEGO神人又發功 LEGO製Overwatch Tracer 雙槍
《 Overwatch 》beta overall 評測，靚版《 Team Fortress 2 》係正嘅!
VJGamer總編，細細個已經蒲機舖，機齡甚深，熱愛電玩文化。