切菜著名系列《真 ‧ 三國無雙》既《真 ‧ 三國無雙 7》將會推出手機改版，名為《真‧三國無雙 斬》！由台灣 XPEC Entertainment 開發， KOEI TECMO Game 授權，泡菜國大廠 Nexon 代理日本以及大中華區以外全球發行權，而且係製作人鈴木亮浩親自做返監修，現階段遊戲已經完成 6成開發！
影片所見，唔再係家用版咁係睇住背脊黎打，轉為類似白貓咁既表達方式，睇黎要習慣下啦。另外官方話會同家用版使用相同既地圖系統，即係打緊果陣唔洗 Load 餐死，係咪即係未入 Game 之前 Load 餐死呢即係……。
家用機視點
《真‧三國無雙 斬》畫面
另外畫面左上方會見到三個人頭樣，無錯，呢隻遊戲係會使用類似《無雙大蛇》系列既系統，可以編組三人小隊並且係戰鬥中隨意切換。而係今次條片見到，登場人物除咗趙雲呢類必有角色之外，連呂布個女呂綺玲、關羽個女關銀屏都會參戰，不過唔知洗唔洗課金先有……嗱，推出日期就未定，有更多消息我地再為大家報導！
VJGamer總編，細細個已經蒲機舖，機齡甚深，熱愛電玩文化。