2012年面世，日本限定既《Gundam Online》終於有港台澳版啦，唔洗再用 VPN 啦！係琴日 Gameone 智傲集團宣布，佢地已經取得日本 BANDAI NAMCO 旗下既《Gundam Online》台港澳地區經銷權，上市日期預定係 2016 年第三季。
《Gundam Online》係一款多人對戰動作遊戲，主要模式大規模戰最大支援 52人vs 52人，總數 104 名玩家；仲有小型戰爭 6vs6既局地戰。背景為 U.C. 時代，可以選擇「地球聯邦軍」或者「自護公國軍」兩個陣營以及機體，出名成日要出動既阿寶同馬沙等等名角色都會登場。而只要滿足特定條件部分玩家就會成為戰場指揮官，可以係戰場上指派間諜機器人、控制資源等等，而機體方面主要分為強襲型、重擊型、支援型、炮擊型同埋狙擊型五種。遊戲暫時只有 PC 版本，日版最近就新增咗 Z Gundam 系列機體，但係就唔知港台澳版會唔會直接用最新版本啦，反正到時都係要大叫一句 ……ジーク·ジオン！
強襲型
重擊型
支援型
炮擊型
狙擊型
都係唔明玩乜既可以睇下片
VJGamer總編，細細個已經蒲機舖，機齡甚深，熱愛電玩文化。