真係估佢唔到咁高水準，由大陸遊戲公司 RocketPunch Games 開發既 2D 機械人動作遊戲《code：HARDCORE》，極有以前超任重裝機兵既感覺，而且睇片各方面表現到非常之好，奇怪地發現香港竟然唔多覺有人介紹過呢隻野，我地誠意介紹比大家呢隻 Game，即刻去片等大家睇過！

睇片第一眼就覺得啲機熟口熟面，不過機械既野相信大家都唔係識咁多，咁都係講返隻 Game啦，影片展示咗極高既流暢度、優秀既打擊感，係現時好少有呢種 2D 既動作遊戲 (如果你覺得隻 Mighty on9 玩得過既咁你贏囉)，至於畫面表現官方介紹話有 60FPS 架！

全手動瞄準、變型飛行、換裝

爽快打擊感

 
登場機體方面，而家只有影片入面4種機，分別係真實系既 Thunderbolt、大型炮戰支援機 Round Hammer、可變型機體 Geier同埋超級系既 Crimson Flame，不過官方就話會陸續加入其他機體，梗有一架啱你！

至於影片睇唔到既就係操控感，係之前既「Beijing ComiCon」上面曾經推出過試玩，當時有超時空要塞之父「河森正治」同埋插畫大師天神英貴兩位日本動畫界元老級人物試玩，評價相當正面 (但係佢地係咪真係識打機架)，咁我地就決定…….出咗 Game 先算。而遊戲系統係會全手動瞄準方式進行，仲有高速飛行、硬直取消、換裝等等系統，似乎就真係幾好 J。

高熱火焰！

流暢打擊感

格鬥特化真實系 Crimson Flame

有得落機戰鬥？

兩位日本動畫界元老級人物試玩

現階段遊戲係處於開發度 20% 既狀態，未知會幾時出，暫定會有 Steam / PS4 / Xbox One 版本，再有進一步消息再為大家報導！