之前我地介紹過既《Witcher 3》入面既「昆特牌 (Gwent)」以獨立遊戲推出，咁係琴日開發商 CD Projekt RED 就宣佈咗個都唔知算唔算係好消息，就係將會同中國遊戲廠商蓋婭互娛合作，將全新獨立遊戲《昆特牌》引入中國市場，即係會有中文版……不過唔知係咪得殘體字。
咁 CD Projekt RED 既聯合創辦人 Marcin Iwiński 就話對佢地黎講中國係一個全新、未被探索既市場，而佢地既目標始係希望盡量貼近玩家，去了解玩家想要乜野既遊戲，並希望為玩家提供一隻真正以玩家作為中心既 Card Game。而蓋婭互娛方面表示，《昆特牌》將會採用免費制，不過唔好開心住，根據大陸免費 Game 慣例應該要買 VIP……
咁遊戲就仲處於開發階段，暫時只會有 Xbox One / PlayStation 4 / PC 3個版本 ，有興趣既可以睇下下面果條之前 E3 既片段，同埋可以睇下我地既回帶文章既，最怕就係正式推出三個月後，出現山寨版《崑崙牌》，然後宣稱自古以來《巫師》就係我國創作既五大名著之一，然後控告《昆特牌》最後勝訴…….
回帶相關文章：
VJGamer總編，細細個已經蒲機舖，機齡甚深，熱愛電玩文化。