早幾日係美國拉斯維加斯落幕既全球最大型的格鬥遊戲大賽「Evolution Championship Series (EVO)」2016 年賽事，係最終決勝場入面就宣布咗係未來將會舉辦日本既「EVO Japan」，分別由日本電玩資訊網站 4Gamer、衛星電視商松竹 BC (松竹ブロードキャスティング) 同埋軟體服務商 HUG (ハーツユナイテッドグループ)共同主辦，至於正式舉辦日期、規模等等資料都未有，EVO 既 Mark Julio 就話會係今年既東京電玩展入面發表更多既資訊比大家咁話。

因為「EVO Japan」係有擔任街霸製作人既小野義德同埋擔任鐵拳既製作人原田勝弘參與，幾乎可以肯定《Street Fighter V》 同埋《鐵拳 7》係比賽項目之列，相信 Capcom 同 Bandai Namco 呢2間遊戲廠商旗下既作品都會有較大機會列為比賽項目，即係龍珠高達星矢 JoJo甚至係街霸2都有機啵！

2016年既 EVO 比賽項目

其實早係2010年既時候就有過一場叫做 EVO vs Godsgarden 既比賽，當年直頭定埋日子係 2011年既5月6-7日，但係當時發生咗 9.0級既東日本大地震，所以當時宣布無限期延期，不過 EVO 既發起人之一 「MrWizard」Joey Cuellar 就直到 2013年既仍然無放棄呢個計劃。

今年既東京電玩展會係 9月15到18號進行，到時我地再為大家報導進一步既資訊。