《勇者鬥惡龍 英雄集結2》除咗初始 5個職業之外，仲會有戰鬥大師同埋賢者 2個上位職業，開啟方法如下：

戰鬥大師

• 主角職業戰士、武鬥家練到 20LV 以上 (一定要主角，即係話你開始揀女主角既話就算男主角練到夠 LV 任務都唔會出現)

• 故事進度推到 30話 (虎よ！翼よ！) 之後

• 任務委託果度就會出現「任務13 上級職への道 バトルマスター」

• 任務內容：團隊只限主角單人進行，職業限定為戰士或者武鬥家，去大峽谷 (南) 地圖，係15分鐘內打倒 250隻怪就 OJ

• 之後就可以返城交任轉職

賢者

• 主角職業魔法師、僧侶練到 20LV 以上 (一定要主角，即係話你開始揀女主角既話就算男主角練到夠 LV 任務都唔會出現)

• 故事進度推到 30話 (虎よ！翼よ！) 之後

• 任務委託果度就會出現「任務14 上級職への道 賢者」

• 任務內容：團隊只限主角單人進行，職業限定為魔法師或者僧侶，去魔族之森地圖，係15分鐘內打倒 250隻怪就 OJ

• 之後就可以返城交任轉職

寶箱鑰匙任務

遊戲入面見到果啲黑色寶箱係要用寶箱鑰匙先可以開到，呢條野係要解任先拎到的，開啟任務方法如下：

• 主角職業盜賊練到20LV 以上 (一定要主角，即係話你開始揀女主角既話就算男主角練到夠 LV 任務都唔會出現)

• 遊戲進度推到過咗大峽谷劇情

• 上面二個條件達先之後，返主城同修女隔離戴牛角帽條友講野就會得到有關既消息，之後去防具店就會出現「　　　」(空白)道具，用 3000 蚊買咗佢

• 之後委託果度就會出現「任務12 盜みの道を極めし者よ」

• 任務內容：團隊只限主角單人進行，去庫雷締亞地下監獄度玩密室逃脫

• 攻略方法：

首先去北邊繞到 E-4 區域，之後去打開 F-6 度門，同兩隻怪物講野之後會幫你廢咗兩隻守衛，之後去 B-8 區域、然後去 C-6 等一等，等守衛過咗之後就狗衝去終點 C-4，之後就原路折返，不過要留意啲守衛行動模式會變咗

• 之後就可以返城交任拎鎖匙