琴日就有大量新 PS 機既資訊出咗啦，而 Sony 係廣告攻勢方面係非常之咁強勁，係琴日就釋出咗呢條廣告片，主題就係 9月 15日推出既新薄版 PS4 同埋由 ATLUS 製作，以及同樣係 9 月 15 日發售既《女神異聞錄 5》既合作廣告。
成條廣告片最屈機既就係廣告既主唱者：樋口一葉 (當然係扮架啦)
樋口一葉係日本已故知名女性作家，咁有乜咁巴閉呢？樋口一葉其實係 5000日圓上面既肖像人物黎，咁啱新版既 PS4 價格就由原本既 34980 日圓減價到 29980 日圓，啱啱好減咗 5000日圓，然後佢地就用呢個概念出咗呢個廣告，真係唔好話唔屈機！
咁隻《女神異聞錄 5》系列就唔多講啦，一陣又比你地話我拉布就唔好…..反正大家都知係玩乜架啦，值得注意既係今集係有中文版既，不過就要等到 2017 年先出，順帶一提今次既《女神異聞錄 5》除咗 PS4之外仲會有 PS3版本既。
《女神異聞錄 5》遊戲畫面
回帶相關文章：
PS4 出新機又改DESIGN！PS4Pro 高階貴價登場！
PS4Pro 有幾勁? 另一部係PS4neo? 4K畫質Game List！
VJGamer總編，細細個已經蒲機舖，機齡甚深，熱愛電玩文化。