總所周知，只要預購係 11月4日上市既 《COD：Infinite Warfare》典藏版 / 豪華版就會得到跟 Game 既《COD：Modern Warfare Remastered》，咁當然實際上大家都知道係買 MW 送 IW啦！係琴日 MW Remastered 就正式開放咗單人故事模式比訂咗既玩家，我地都第一時間試咗，結論係：正到裂丫！
一開 Game 見到 Price BB 已經好興奮，咁畫面提升咗呢啲就擺明係廢話黎既。具體黎講除咗貼圖、材質升級到現今既水準之外，連人物既 3D 模型、光影表現都重新做過晒，最驚喜既係序章入面風同埋水既表現，個人黎講淨係睇呢 Part 已經抵買隻 Game！
唔想睇我條廢話片可以睇呢條 ( _ 你)：序章
外國媒體 Candyland 所做既畫面比較
除咗畫面抵讚之外，係部份場景直頭連分鏡、構圖都有改變，有誠意到裂！另外有睇我條廢話片既話會發現隻 Game 係有中文字幕架，本身已經極有水準既故事模式再加埋有中文我真係諗唔到大家唔買既理由！
另外未玩過 COD 系列既就更加要留意一點，呢個系列係主打真實風格，即係你唔會見到敵人頭頂有血條之類既野。
遊戲係講求 Team Work，所有攻堅、撤退等等都有實際既戰術指示你點做，絕對適合 War Game 友或者追求真實戰爭場面既朋友玩。最後建議將會玩既朋友揀老手難度，果種續步推進既感覺係無乜幾多隻槍 Game 比到你的！
除咗單機故事模式之外，最令人振奮既消息就係《COD：Modern Warfare Remastered》將會有「專用」既線上伺服器，本身 COD 對戰為人詬病既 Lag 機問題有望解決，其實真係唔洗再諗……落訂啦！
VJGamer總編，細細個已經蒲機舖，機齡甚深，熱愛電玩文化。