本身有玩開《StarCraft》既都知道畫面比較「特別」，我就見到成堆蟲行就已經周身痕，可能呢點令到隻 Game 比較少女性玩家同年紀細既玩家。係琴日 Blizzard 就正式係《StarCraft 2》上面出咗一個卡通 MOD，然後成件事就變得好老幼咸宜，訓練下一代做電競選手既機會黎啦！
呢個 MOD 係由動畫工作室 Carbot Animation 所開發，所有遊戲既角色都包裝到好 Cute Cute，搞到我都想開返黎玩……。除咗幫成隻 Game 改頭換面之外，製作團隊仲做咗成個系列既短片擺係佢地既 Youtube Channel 度，有興趣既朋友可以上去睇下。
而官方為咗慶祝呢個模組推出，佢地簡化到只要一開《StarCraft 2》隻 Game 就會係首頁見到指示說明點搞，真係極 User Friendly，有小朋友既不妨 DL 黎試下！
Carbot Animation Youtube Channel
VJGamer總編，細細個已經蒲機舖，機齡甚深，熱愛電玩文化。