《Pokémon天梯入門》禁MEGA石後必用廚獸-No.663 疾風怒濤!烈箭鷹!

喺WCG 2017 公布咗賽規後,MEGA 石禁用,可以話係強制要玩家嘗試 Z 招式嘅舉動。而同時因為 MEGA 石禁用,部份地區聖獸又無咁早可以用,以下呢隻廚獸將變成不得不介紹。

No. 663-疾風怒濤!烈箭鷹!

663talonflame

%e7%a8%ae%e6%a4%8d%e8%a1%a8

 

烈箭鷹(ファイアロー;Talonflame),火系/飛行系 Pokemon,憑藉特性於第六世代一出場就成為廚獸嘅 Pokemon ;種族值除速度外,全部均為中下水平;特性為疾風之翼(はやてのつばさ;GaleWings):原為先制 +0 之飛行系招式會獲得先制 +1嘅效果。先制 +1嘅 120 威力勇鳥無懼,此為稱之為廚獸嘅 Pokemon,烈箭鷹。

 

襯住未閂天梯賽,睇下數據:

招式:

99.6% 勇鳥無懼(ブレイブバード;BraveBird):飛行系物攻招式;120 威力;100 命中;攻擊目標後,自身承受 1/3 嘅反作用力傷害。

83.2% 火焰推進(フレアドライブ;FlareBlitz):火系物攻招式;120 威力;100 命中;攻擊目標後,自身承受 1/3 嘅反作用力傷害。

53.9% 順風(おいかぜ;TailWind):飛行系變化招式;--威力;--命中;4回合內(包括施展嘅該回合),我方速度兩倍化。

40% 會用 保護(まもる;Protect):普通系變化招式;--威力;--命中;先制 +4;抵擋一回合攻擊及變化招式;連續使用成功率會逐次減半。

25.4% 先制防禦(ファストガード QuickGuard):格鬥系變化招式;--威力;--命中;先制 +3;施展後我方不受「先制 +1或以上之招式」效果直到回合結束。

招式定位相當清晰,利用有限嘅生存力去換取有效嘅捨命攻擊。只係再加多一招順風作為走盞,控場得嚟又利用咗烈箭鷹生存力低嘅特點去方便換入其他攻擊手。

 

裝備:

33.6% 為振奮綁帶(きあいのタスキ;FiocusSash):消耗型裝備;當HP全滿時,被擊殺會保留 1HP。

33.6% 為生命之玉(いのちのたま;LifeOrb):招式威力 130%,每次攻擊減少最大 HP 嘅 10% HP值。

15.2% 為尖銳鳥喙(するどいくちばし;SharpBeak):飛行系招式威力 120%。

由於烈箭鷹為以命換命嘅輔攻手打法,所以裝備上與甲賀忍蛙十分相似。振奮綁帶就係主要為咗順風後,仍然能再作出一次勇鳥無懼等捨命攻擊而設嘅;生命之玉或尖銳鳥喙都係為咗彌補本身貧弱嘅物攻而設嘅,好等佢嘅攻擊能貼近一啲攻擊手。

 

特性:

99.1% 為疾風之翼。熱風!疾風!烈箭鷹不二之選!

 

勇鳥無懼(ブレイブバード;BraveBird):

飛行系最高威力嘅物攻招式,除咗 1/3 反作用力嘅傷害,就連命中問題都唔存在。裝備命玉的話,基本上攻擊剋制屬性都可以確一,無相剋則為確二,岩/鋼/雷則用其他招式更好。配合疾風之翼,由於先制關係,即使係確二嘅目標,都只會有一次機會去攻擊烈箭鷹;有啲時候,對方岩崩唔中烈箭鷹,就變成被確二擊殺,包括小弟一提再提有威嚇,可以減你攻擊1級嘅土捲雲。

 

火焰推進(フレアドライブ;FlareBlitz):

火系招式。其實除咗咁介紹,就只有佢可以用嚟攻擊鋼系 Pokemon 呢個優點可以提。當然啦,當對方有封殺先制攻擊嘅先制防禦,就會有一個突破封鎖線嘅作用。

 

順風(おいかぜ;TailWind):

算係勇鳥無懼以外一招比較重要嘅選擇。只要有咗呢招,輔攻手嘅定位就會更明確,而且隊伍將加添順風隊嘅特色:能夠將投放到速度上嘅努力值放到 HP 上以增加生存力。再者好似遇上 No.681 堅盾劍怪(ギルガルド;Aegislash)的話,可以多一個招式選擇以待佢先施放一次皇家盾牌,先再用火焰推進將佢確一。

 

保護(まもる;Protect):

薄皮而又有疾風之翼嘅烈箭鷹,好容易成為下馬威目標,並於第一回合被岩崩擊落,所以保護會於呢個時候起到作用。

 

先制防禦(ファストガード QuickGuard):

作為 126 速度種嘅烈箭鷹,先制防禦其中一個作用為反制對手嘅下馬威。由於下馬威同先制防禦都係先制 +3,所以要同快過 110 先有確實擋住嘅可能,而如果唔練速度努力值,126 嘅烈箭鷹就算係啱啱好。另外又可以用嚟擋格對方嘅烈箭鷹及惡作劇之心嘅干擾招式,可以話係對付近代一堆無視行動順序嘅稀有招式。

 

 

雖然作為輔攻手,我係好應該講下聯防拍檔,但係由於佢廚到一個點嘅關係,加上WCG2017嘅規則改變,我寧可將篇幅分去講點對付烈箭鷹。

 

對策一,天敵(席多藍恩/甲賀忍蛙):

 

No. 458 席多藍恩(ヒードラン;Heatran):

cecc7356

 

與噴火龍 Y 嗰篇相似,席多藍恩有鋼/火系及延燒給予嘅耐性,封鎖咗烈箭鷹嘅攻擊手段,令到佢嘅行動變得容易捉摸。唯席多藍恩同樣因為缺少攻擊手段而有啲無力,並且由於烈箭鷹火/飛行系以致其拍檔會安心使出地震確一席多藍恩。因此其實比起接住要講嘅甲賀忍蛙會有隱憂。

 

No. 658 甲賀忍蛙(ゲッコウガ;Greninja):
3
速度 122 必然會練速,比大部份唔會練速嘅烈箭翁快,加上招牌攻擊技:先制 +1 嘅水‧手裏劍先下手為強確一(只要唔係行衰運 2 HITS)烈箭鷹;而且由於係多段攻擊,所以就算係裝有振奮綁帶都可以確一。唯一問題係對方會唔會先讀出咗先制防禦啫。

 

對策二,岩系招式:

冒住硬食一招勇鳥無懼嘅風險,以岩 4 倍攻過去。即使係範圍攻擊嘅岩崩都足夠確一烈箭鷹,只係有機會唔命中啫…

 

對策三,下馬威聯合攻擊

首先以一隻 Pokemon 對其下馬威,不論佢先制防禦與否,都可以接住下一擊擊殺佢,並防止咗佢進行一次攻擊。但如果烈箭鷹使用保護嘅話,就白白送咗一個回合。

 

WCG2017 無咗 MEGA,某幾種依賴 MEGA 先可以登上舞台嘅 Pokemon 將會離場而去;例如:大鋼蛇、長耳兔、袋獸、大比鳥、暴雪王、噴火駝、詛咒娃娃、電龍等;而本好似烈箭鷹、甲賀忍蛙、暴露菇等無需 MEGA 已經係過過地火嘅將會更見強大,如果 Z 招式中有飛行系 Z 招式都受疾風之翼強化嘅話,我睇唔到疾風之翼嘅烈箭鷹會退下火線嘅情況。

 

下星期就出體驗版,我或者會喺新嘅 Pokemon 中搵一啲潛力股(最重要引起我興趣)嚟再講下。下次再講,可能唔再係《Pokemon天梯入門》,而係《Pokemon檢查站》。

 

回帶相關文章:

《Pokémon天梯入門》使用率前五干擾手 -No.591 暴露菇

《Pokémon天梯入門》No.115袋獸

《Pokémon天梯入門》烈日晴空-No.006噴火龍Y

《Pokemon天梯入門》1600對賽觀摩&主流戰術認識

《Pokémon天梯入門》變幻自在嘅人氣主角-No.658 甲賀忍蛙

 

 

古渡

《Pokemon XY》400小時遊玩時間,天梯賽1700以上嘅非專業玩家。閒時會寫下嘢咁

追蹤

更多文章