講到 90 後至 00 初的遊戲回憶，Game Boy 真係打破時空界限，可以話佢「勁過手機」，陪伴咗唔少人成長。今次 LEGO 出招，將呢部「傳奇掌機」化身成近乎 1:1 積木模型化，一睇個樣真係勾起無限童年回憶。

72046 LEGO  Game Boy 今次真係玩到好細緻，419 塊積木組件，新手輕鬆俾你砌到都有成功感。外觀方面，經典設計全部重現：十字掣、A、B、SELECT、START，各種掣位應有盡有，令人一見即刻想掂返部掌機出嚟玩返幾舖。

除此之外，連 Game Boy  上面最傳統嘅細節—開關掣、Contrast 滑輪、音量旋鈕，甚至遊戲卡帶插槽都無一或缺。最驚喜係入面包埋「兩隻Game」比你，包括1993年嘅《薩爾達傳說 夢見島》，以及大家細個唔知爆過幾多次嘅1989年《Super Mario Land》，卡帶仲可以自由更換，自己印多幾款，屋企人都完全唔怕悶。 (*ﾟ∀ﾟ*) 

外媒喺SDCC現場就拎左上手試過，可以話係神還原，好多掣都撳得！

更細心嘅地方係，砌好之後仲可以揀自己想展現嘅顯示屏。無論係 Nintendo 經典開機LOGO畫面、定係想擺兩款 Game 嘅遊戲畫面，都可以隨心轉換，顯示出自己最鍾意嘅經典時刻和回憶。

講真，LEGO 今次做得咁仔細，唔單止係砌積木咁簡單，更係將成個童年情懷拾返嚟。邊砌邊記起當年細細個攞住 Game Boy 打機過日日夜夜嘅時光，真係領會到咩叫做青春同回憶。

產品詳情

72046 LEGO Game Boy 

• 發售詳情：10 月 1 日正式發售
• 價格：$59.99 / €59.99 / £54.99 (約港幣 $468)
• 組件數量：421
• 尺寸：14cm x 9cm x 3cm

LEGO 竟然認真到連GAME BOY都積木化，仲可以換畫面，細節位啱晒啲鍾意自 High 嘅大朋友！雖然冇燈冇聲，玩味全靠自己 imagination，但夠晒原汁原味。

想再重溫返兒時攬住 Game Boy 打機嗰份喜悅，即刻預購返件擺櫃啦，等老人家嚟到都有得玩！

 

View this post on Instagram

 

A post shared by VJGamer 遊戲殿 (@vjgamer.hk)