知名團體 AKB48 同埋乃木坂 46 既製作人秋元康 ，公布咗一個跨次元既偶像企劃，成個企劃係會有 8 位虛擬偶像再加呢班虛擬偶像既聲優組成偶像團體，成件事真係好鬼死 μ’s！睇黎大家既銀包又將會面臨浩劫！
今次呢個企劃係同 Sony Music 以及 Aniplex 合作既，主要以「Digital Idol」為核心，不過團體名就仲未有定案，我地暫時就叫住「肥宅財產掠奪戰隊」先啦。正如上面所講，今次成個企劃係同時有二次元同三次元。而 8位既虛擬偶像當然係會有畫師啦，唔係你 J 乜丫……。分別由八位知名插畫家所製作，有個名我見到直頭想講「哪有錢，你老母」。
八位角色設計者分別為：細居美惠子《灰與幻想的格林姆迦爾》、田中將賀《你的名字》、深崎暮人《不起眼女主角培育法》、小山廣和《Fate/Grand Order》、堀口悠紀子《K-ON!》、QP:flapper さくら小春《少女編號》、QP:flapper 小原トメ太《鎖 -Kusari-》、カントク《變態王子與不笑貓》。目前八位角色只有剪影同埋相關既角色設定公開咗，有興趣既可以上官網睇下。
而家官方招募緊人架啦，11 月 11號就截，之後由 12 月起就會開始審查，去到 12月24號最終審查完結之後就會決定正式既成員，有興趣應徵既就上官網度下啦。
VJGamer總編，細細個已經蒲機舖，機齡甚深，熱愛電玩文化。