由 SEGA Games 製作，預定 2017 年 1 月 19 日推出繁體中文版既 PS4 / PS Vita 角色扮演遊戲《蒼き革命のヴァルキュリア》 就係無耐之前出咗條片，今次條片主要係展示遊戲畫面同系統，睇完條片我都幾肯定會入手，淨係睇戰鬥畫面都覺得係一直上乘既作品，仲要有繁中，咁你仲有乜需要諗？

《蒼き革命のヴァルキュリア 》基本上係正統 RPG 黎，不過就有個好有 Fallout 味既策略性戰鬥系統的「LeGION」，淨係計戰鬥既話「即時動作+指令」的確係做得幾好。咁 RPG 最重心既故事方面，今集主要係講 5位後生仔因為主導同「女武神」擁有國戰爭而比人尊崇為「英雄」，但係你知過橋抽板既野成日會發生架啦，係戰爭過後呢 5位「英雄」就比人指控佢地只係因為要復仇而引發起戰爭，最後淪為「大罪人」並遭受到處刑。官方用倒敘形式去講故仔都幾吊癮，講就講話 5個人會死，但係實際係咪分身定係原來所有野都係世界政府既陰謀 (OP上身)，喂越諗越想玩！