暗榮即係暗榮，掛個英傑傳嘅牌頭，換個戰棋玩法，九成用返無雙嘅game/graphic engine，勁低成本就算唔賺多都起碼唔洗蝕呀。你以為呢隻英傑傳同十鳩幾年前嗰隻差唔多？咁廢中你就真係太年老了。

呢隻game除咗係行棋之外，同舊嗰堆英傑傳一啲關係都無呀，故事同遊戲性都無得比，只係將無雙嘅鳩劈戰棋化、將無雙嘅畫面劣化。而且遊戲仲好易玩，就算難易度較困難都可以輕易1 take pass。

除咗鳩劈之外，就係無雙一定有嘅武器系統。可以俾玩家合成武器同埋升武器攻擊力，有啲似戰國basara可以轉移啲能力值加乘去另一把武器。不過最仆街係，難易度為困難都好難跌四星或以上武器架～！

另外仲有一個未喺無雙出現過、叫天命鏡嘅新元素。達成某啲條件之後就可以得到錢、經驗值、桌布、或者新武將。最終目的當然係儲齊呢堆野啦。想儲齊哂就要有心理準備要玩返幾十個鐘，練啲唔鍾意嘅角色。例如我想拎到夏候惇，唔知點解要趙雲60lv，拎唔知邊個又要張苞出戰10次咁上下（邊個玩無雙會用張苞？？？）。

唔會lag機算唔算賣點？因為唔似得普通無雙咁可以堆滿一堆兵仔喺同一畫面……

鬧咗咁耐，咁咩人可以一戰呢隻英傑傳哩？我就中咗以下第3－5項

1．錢多又有時間求其搵啲野玩吓

2．好好好鍾意無雙

3．好好好鍾意儲武器同儲人

4．好好好想玩戰棋遊戲

5．純粹想嚟happy，打機唔想用腦

《三國無雙：英傑傳》堅係垃圾，無咩事都唔好打搞佢（或佢老母），盞搞到你自己。