話說而家間間廠都出 VR，除咗 HTC Vive 之外，仲有 Oculus Rift、PS VR 、Microsoft VR等等，之前 Oculus Rift 推出佢地自家手制 Oculus Touch 本身諗住穩佔龍頭，點知 HTC Vive 就發布隻超強手套型控制器又再遙遙領先。咁 PS VR 定位就係入門級，同兩位龍頭始終有段距離。之但係 HTC Vive 發表咗呢個新配件之後相信各大廠商都要急起直追啦，因為 HTC Vive 正式進入無線階段！
今次呢套無線傳輸配件並唔係由 HTC 自家研發，而係由 VIVE X Accelerator 計畫培育既 TPCAST (中國)團隊所開發。當 HTC Vive 裝咗呢套野之後，就唔需要再駁其他線，而呢套無線配件採用短距離無線傳輸技術，可接接收距離為 10 公尺。
咁套野預定 2017 年 1 月會係中國地區出貨，雖然話已經接受預定，但係開訂 18 分鐘已經比班烈士搶晒啦。呢套配件就賣 1499人仔，用基本電池套件可以持續玩個半鐘，而開發團隊亦都計畫會推出更大容量電池。咁提提有興趣既玩家最好就等陣先啦，除咗無貨之外大家都知道中國製的會爆炸……咁今次呢件配件除咗係技術層面幫 HTC Vive 做到一哥之外，話唔定做埋第一個爆頭既 VR…..
首位烈士 Kobe Bryant
回帶相關文章：
【PS VR強敵】Microsoft 推出 Win10 VR 裝備 二千左右有交易！
VJGamer總編，細細個已經蒲機舖，機齡甚深，熱愛電玩文化。