「星球大戰外傳：俠盜一號」（Rogue One: A Star Wars Story）尋日香港就搶先上映，我地 VJ gamer 就未睇，唔知觀感如何，上次懶人包都講到外國傳媒都一致好評，我地都非常期待。適逢見到 Hot Toys 宣布推出「俠盜一號」?面嘅機械人「K-2SO」1/6 figure，所以決定加推懶人包DLC，介紹下呢個新角色。
被洗腦嘅臥底機械人
K-2SO 最初係由帝國軍生產嘅高智能機械人 ，屬於 KX-series Security Droid 系列，其後遇到反抗軍嘅 Captain Cassian Andor ，被修改程式成為咗「Rogue One」嘅重要成員。由於外表仍然係帝國軍機械人，係小隊中往往扮演臥底嘅角色去協助其他隊員去完成任務。
「K-2SO」打破星戰電影史傳統
星戰電影史?面出現過好多機械人，當中最具人氣角色當然係 C3PO 同 R2D2，由於星戰電影一貫以真實為目標，無論飛機定外星人，都會按比例大小製作實物道具同模型，所以 C3PO 同 R2D2 都貫徹呢個宗旨，呢兩個機械人都以真人演員 Kenny Baker 同 Anthony Daniels 飾演。
就算上年嘅《 Star Wars: Episode VII The Force Awakens 》?面嘅 BB-8，導演 J.J. Abrams 都特登要劇組製作一個真係可以滾動嘅機械人。
但黎到今次「Rogue One」，劇組打破星戰電影貫例，採用 motion capture (動態補捉) 黎拍攝 K-2SO，令到由 Alan Tudyk 飾演嘅 K-2SO 可以做到嘅動作可以更靈活，造出嘅肢體語言更逼真。
由於 K-2SO 所有戲份都要 motion capture，Alan Tudyk 需要踩住高橋移動同奔跑，極有挑戰性嘅演出，而 Alan Tudyk 亦為 K-2SO 配音，務求令到呢個機械人更「有血有肉」。
Hot Toys 星戰系列首款機械人角色
呢隻 Hot Toys 推出嘅「K-2SO」高36cm、有30多個可動關節，全身配金屬質感上色，而且有戰損舊化塗裝，而頭部設置具LED發光功能嘅可動眼球，配件就有雷射手槍、炸彈及地台。
預計 2017 年第三季至第四季發售。
相關回帶文章:
星戰外傳《俠盜一號》上映前必睇懶人包
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。