前排《哥期拉》同《新世紀福音戰士》嘅 crossover 計劃- 《哥期拉 vs 新世紀福音戰士》不斷推出新產品，靚唔靚真係見仁見智，但我一見到呢隻《 Metal Gear 》系列美術總監 新川洋司有份設計嘅「對G專用决戰兵器 紫龍 試作初號機」就勁興奮，全隻滲透住「Metal Gear Rex」嘅氣息 !

呢隻「對G專用决戰兵器 紫龍 試作初號機」由日本嘅千值錬所推出，屬於先前推出過幾款 Iron Man 嘅 「RIOBOT」Series，可動能力一定唔會差。講番「紫龍 試作初號機」嘅設定，世界觀當然係《哥期拉 vs 新世紀福音戰士》，哥期拉就好似使徒咁對日本造成重大威脅，NERV 就相信對硏發「對G專用决戰兵器 紫龍 試作初號機」，情況就好似「機械哥斯拉」。

「紫龍 試作初號機」嘅背部關節可轉換「龍形態」或 「機械人形態」，尾部可自由擺動，figure 表面都採用帶亮光嘅銀色，富有金屬感，而左右膊頭印有「NERV」 徽章，整體有少許地方帶有綠色同紫色，形造 EVA 初號機感覺，武器亦都持有類似 EVA 嘅「高振動粒子刀」武器 – 「Anti Kaiju Battle Blade」。

售價約 20,500 Yen，預計 2017 年 07 月發售。