2月尾係PS4 / PSV平台就會推出《超級機器人大戰 V》，繁體中文版同日文版將會同步推出，詳情可以去呢度睇，笨大當然會食住條水，旗下SR超合金將推出首次收錄《機戰 V》嘅「鐵甲萬能俠ZERO」(マジンガーZERO)!

「鐵甲萬能俠ZERO」(マジンガーZERO)最初登場係永井豪新嘅製作團隊所創作嘅漫畫《真マジンガーZERO》及《真マジンガーZEROvs暗黒大將軍》。「鐵甲萬能俠ZERO」有別於舊版「鐵甲萬能俠」，形體更加誇張，雙手著名嘅鐮刀武器都巨大化，而背部就有獨特而巨大嘅特別武器 – ZEROスクランダー，霸氣盡現!

《機戰 V》?面嘅「鐵甲萬能俠ZERO」

今次呢隻SR超合金「鐵甲萬能俠ZERO」(マジンガーZERO)配件都唔少，雙手大同小嘅鐮刀武器，背部嘅 ZEROスクランダー 都忠實呈現，可動性不會因誇張嘅武器而有所影響，預計2017年5月推出，2月打住《機戰 V》等就差唔多啦~

除咗「鐵甲萬能俠ZERO」，先前亦公佈推出「帝皇萬能俠 G」(VJG 揣測譯名) (マジンエンペラーG)，亦係《超級機器人大戰 V》嘅原創機體，預計 2017 年 03 月發售。